Բոլոր փախստականները պետք է վերադառնան իրենց հարազատ վայրերը. ռուսաստանցի համանախագահ

Բոլոր փախստականները և տեղափոխված անձինք պետք է վերադառնան իրենց հարազատ վայրերը. Բաքվում, այսպես կոչված, ԼՂ-ի ադրբեջանական համայնքի հետ հանդիպման ժամանակ հայտարարել է ԵԱՀԿ ՄԽ ռուսաստանցի համանախագահ Իգոր Պոպովը. հայտնում է haqqin.az-ը:

«Մենք քննարկել ենք այդ հարցը Հայաստանում և Ադրբեջանում: Այո, մենք որոշակի տարաձայնություններ ունենք, սակայն ԼՂ հակամարտության լուծման հարցում միասնական ենք»,- նշել է Պոպովը:

«Մենք միայնակ  որոշումներ չենք ընդունում»,- հավելել է նա` նշելով, որ արդյունք կլինի այն ժամանակ, երբ կողմերը պայմանավորվեն:

Նշենք, որ համանախագահերը հոկտեմբերի 26-27-ը այցելել են ՀՀ և ԼՂՀ, իսկ այժմ գտնում են Բաքվում: