ԱՌԱՎՈՏ. ՀՀԿ-ն ընտրություններին երկար պատրաստվելու խնդիր չունի

ՍԴՀԿ ներկայացուցիչ Գուրգեն Եղիազարյանը համոզիչ չի համարում ՀՀ ԱԺ նախագահ Հովիկ Աբրահամյանի հավաստիացումները, թե նա խորհրդարանի խոսնակի պաշտոնից հրաժարվել է հանուն այն բանի, որ ՀՀԿ-ի համար շատ կարեւորվող առաջիկա խորհրդարանական ընտրությունների ժամանակ ղեկավարի կուսակցության նախընտրական շտաբը:

«Հայաստանում, որտեղ ընտրությունների ելքը ոչ թե քաղաքական ուժերի կատարած աշխատանքով է որոշվում, այլ հանցագործների կողմից մարդկանց ահաբեկելով եւ վստահված անձանց առեւանգելով, ընտրակեղծիքներ անելով, նման ընտրություններին ընդհանրապես շատ երկար պատրաստվել պետք էլ չէ: Կգան քվեարկությանն անմիջապես նախորդող երկու օրերը, ու իշխանությունները կհավաքեն հանցագործներին, մեկ-երկու հրահանգներ կտան եւ ընտրություններ կանեն»,- երեկ «Առավոտի» հետ զրույցում հայտարարեց Գուրգեն Եղիազարյանը: