27 փրկարարներով նավն անհետացել է

Նիկարագուայի ռազմածովային ուժերի նավերից մեկը, որը դուրս էր եկել ձկնորսներին «Ռինա» փոթորկից փրկելու, անհետ կորել է: Նավում 27 փրկրարար է եղել. հաղորդում է ՌԻԱ «Նովոստի» գործակալությունը:  

Նավը ծով է դուրս եկել կիրակի օրը` ուղեւորվելով Անտլանտյան օվկիանոսի կղզիներից մեկը` ձկնորսությամբ զբաղվող մարդկանց տարհանելու համար: Սակայն երկուշաբթի երեկոյան «Ռինա» փոթորիկն ավելի է ուժգնացել. քամու ուժգնությունը հասել է մինչեւ 120կմ/ժ.-ի:

Փոթորկի հետեւանքով վերջին օրերին Նիկարագուայում արդեն 16 մարդ է զոհվել, 18 հոգի վիրավորվել է, 150 հազար մարդ մեծ վնասներ է կրել. նրանց տները ջրի մեծ հոսքերից ավերվել են: Փլուզվել է մոտ հազար կիլոմետրից ավելի ճանապարհ: