ԲՀԿ-ական պատգամավորը զայրացրեց Հովիկ Աբրահամյանին

Կառավարության ներկայացրած` «Սպառողական կոոպերացիաների մասին օրենքում փոփոխություններ եւ լրացումներ կատարելու մասին» օրինագծին նախ դեմ արտահայտվեց «Ժառանգության» խմբակցության քարտուղար Լարիսա Ալավերդյանը, ապա` Դաշնակցությունից Արծվիկ Մինասյանը: Սակայն ԲՀԿ խմբակցության պատգամավոր Վարդան Բոստանջյանի հայտարարությունն ակնհայտորեն զայրացրեց ԱԺ նախագահ Հովիկ Աբրահամյանին:

«Հիմա ի՞նչ եք խորհուրդ տալիս` կոալիցիոն սկզբունքից ելնելով` ամեն ախմախության կողմ պիտի քվեարկենք»,- ասաց նա:

Հովիկ Աբրահամյանը կոչ արեց որակումներ չտալ: «Հիմա ընդունենք այս օրինագիծը, բայց առաջինից երկրորդ ընթերցման ժամանակ լավ առաջարկություններ, խելամիտ առաջարկություններ ներկայացնենք, եւ կառավարությանը հորդորենք, որ ընդունեն»,- առաջարկեց ԱԺ նախագահը: