Մայրության բերկրանքը` տղամարդկանց

Եթե կանանց հղիությունը ընթանում է 9 ամիս, ապա տղամարդկանց մոտ այն տեւում է րոպեներ:

Ճապոնիայի տեխնոլոգիական ինստիտուտի մասնագետները Tokyo Game Show 2011 ցուցահանդեսի այցելուներին հղիությունը նմանակող սարք են ներկայացրել: Այն հիմնականում նախատեսված է տղամարդկանց համար, ովքեր ցանկանում են կնոջ պես զգալ երեխա ունենալու բերկրանքը:

Նրանցից ընդամենը պահանջվում է հագնել հատուկ զգեստ, որի մեջ ռետինե գնդեր, վիբրատորներ եւ պարկով ջուր է տեղադրված: «Պտղի» զարգացմանը զուգահեռ մեծանում է փորը, եւ այդ ամենը կարելի է տեսնել էկրանին: Ցուցահանդեսի մասնակիցները կարողացել են նաեւ զգալ որովայնում «երեխայի» շարժը: Այդ դեպքում պարկը տաք ջրով է լցվում: Էֆեկտներից մեկն էլ այն է, որ մեծանում է նաեւ կուրծքը` օդ մղելու շնորհիվ: