Մեհրիբան Ալիևան հա՞յ է

Պարբերաբար տեղեկություններ են հայտնվում քաղաքական, հասարակական, մշակութային այս կամ այն գործիչների հայկական արմատների մասին։ Բնականաբար, իրենց արմատների մասին տեղեկություններն այդ մարդիկ փորձում են թաքցնել այն երկրներում, որտեղ դա կարող է նրանց համար  ոչ ցանկալի հետևանքներ ունենալ, օրինակ` Թուրքիայում, Ադրբեջանում, երբեմն նաև Վրաստանում, որտեղ այդ տեղեկատվությունը դառնում է հատկապես ազգայնական հայացքների տեր անհատների և քաղաքական ուժերի հիստերիայի պատճառ։

Հայկական արմատների մասին հերթական տեղեկատվությունը վերաբերում է Ադրբեջանի առաջին տիկնոջը՝  Մեհրիբան Ալիևային, (մինչ ամուսնությունը՝ Փաշաևա)։ Ըստ հետազոտությունների` Փաշաևների տոհմը սերում է Վրաստանի  Շուլավերի հայաբնակ շրջանի հայտնի Մելիք-Փաշայանների մի ճյուղից, որը ժամանակին Բաքու տեղափոխվելուց հետո շատերի նման փոխել է ազգանունը և վերցրել է այժմյան Փաշաև տարբերակը, որը քիչ թե շատ մոտ է ադրբեջանական ազգանուններին։