Վաղը կհանդիպեն Մեդվեդեւն ու Ալիեւը

Վաղը Սոչիում կկայանա Մեդվեդեւ Ալիեւ հերթական հանդիպումը: Ինչպես հաղորդում է ռուսական «Մոսկովսկիյե Նովոստի» պարբերականը, հանդիպման հիմնական թեման, ինչպես եւ սպասվում էր, կլինի արցախյան հակամարտությունը:

«Եթե բանակցությունները հաջող ընթանան, հաջորդ քայլը հավանաբար, կլինի Մեդվեդեւի հանդիպումը Հայաստանի նախագահ Սերժ Սարգսյանի հետ, ինչին էլ կհաջորդի հերթական եռակողմ հանդիպումը»,- գրում է թերթը:

Հիշեցնենք, որ վերջին  եռակողմ հանդիպումը տեղի էր ունեցել Կազանում, որտեղ ադրբեջանական կողմը տապալել էր որեւէ փաստաթղթի ստորագրումը, ինչը կարող էր «ճանապարհային քարտեզ» հանդիսանալ:

 Իսկ Կազանում տեղի ունեցած հանդիպման ձախողումը ռուսական թերթը բացատրում է այն հանգամանքով, որ հայ և ռուս դիվանագետները գերագնահատել էին քաղաքական զիջումների ծավալը, որին կարող էր գնալ Բաքուն: