Արտոնյալ են միայն Մեդվեդեւն ու Պուտինը

«Արդար Ռուսաստան» կուսակցության պատգամավորները խորհրդարանին ներկայացրել են նոր օրինագիծ, որի համաձայն` լուսաթարթիչներ կարող են լինել միայն Ռուսաստանի նախագահի, վարչապետի եւ հատուկ ծառայությունների ավտոմեքենաների վրա:

Ինչպես գրում է Gazeta.ru-ն, լուսային եւ ձայնային հատուկ ազդանշաններով չեն կարող տեղաշարժվել այլ պաշտոնյաներ, այնինչ` ներկայումս դրա իրավունքն ունեն պաշտպանության նախարարության եւ անվտանգության ծառայության աշխատակիցները, նահանգապետերը, պատգամավորներն ու սենատորները:

Նախագիծն առաջարկողները համարում են, որ խնդիրն առաջանահերթ կարեւորության է, եւ կառավարությունն էլ համապատասխան քայլեր պետք է ձեռնարկի այս ուղղությամբ: