2011-ը երիտասարդության տարի է

Հայաստանի նկարիչների միությունում բացվել է կերպարվեստի բնագավառում երիտասարդ ստեղծագործողների լավագույն աշխատանքների ցուցահանդես-մրցույթ:

Ցուցահանդեսին մասնակցում են Հայաստանի նկարիչների միության անդամներ, որոնց թիվը հասնում է 100-ի. ներկայացված են կերպարվեստի բոլոր ոլորտները` գեղանկար, քանդակ, գրաֆիկա:

«Մրցանակաբաշխություն-2011»-ը նվիրված է ՀՀ անկախության 20-ամյակին, որին կարող են մասնակցել մինչև 35 տարեկան անձինք:

«Ցուցահանդեսի նպատակն է օժանդակել Հայաստանի գիտական և ստեղծագործական մտավորականության գործունեության ակտիվացմանը, աջակցել երկրի մտավոր կյանքի աշխուժացմանը»,- ասաց Նկարիչների միության նախագահ Կարեն Աղամյանը:

Ռուսաստանի հայերի միության առաջին փոխնախագահ Մհեր Շահգելդյանը նշեց, որ այս տարի շեշտը դնում են երիտասարդների աշխատությունների վրա, քանի որ տարին երիտասարդության տարի է:

Հանձնաժողովը մոտ օրերս կուսումնասիրի և կընտրի լավագույն աշխատանքները, որոնց հեղինակները կպարգևատրվեն. մրցանակները 10-ն են, իսկ մրցանակային ֆոնդը կազմում է 5,5 միլիոն դրամ: