Report.am-ի դեմ դատը` վաղը

Հուլիսի 1-ին Երեւանի Կենտրոն եւ Նորք-Մարաշ համայնքի վարչական դատարանում տեղի կունենա Հայկ Բաբուխանյանն ընդդեմ Report.am-ի եւ Էդիկ Անդրեասյանի դատական նիստը (դատավոր Ս.Թադեւոսյան):

Հիշեցնենք, որ ՍԻՄ նախագահ Հայկ Բաբուխանյանը դատի է տվել Report.am կայքէջին եւ լրագրող, վերլուծաբան Էդիկ Անդրեասյանին նախորդ տարվա սեպտեմբերին հրապարակված «Իրավունքի իրավունքը Հայկ Բաբուխանյանի սրի ծայրին է» հոդվածի համար:

Հ. Բաբուխանյանը վիրավորական է համարում հոդվածում տեղ գտած այն մտքերը, թե «քաջարի» զորավարի մոտ լավ են ստացվում ներկուսակցական հեղաշրջումներն ու կուսակցական կնիքի համար մղվող մենամարտերը»,  «աչքաբացի մեկն էր», «ջահել է» աշխատել» եւ այլ արտահայտություններ:

Բացի հերքումից եւ հրապարակային ներողությունից, նա լրատվամիջոցից եւ հոդվածագրից պահանջում է երեք միլիոնական դրամ:

Տեղեկացնենք նաեւ, որ Հայկ Բաբուխանյան Report.am-ին երկրորդ անգամ է դատի տվել` այս անգամ Էդիկ Անդրեասյանի «Երբ զոռով հուշում են անհուշելին» հոդվածի եւ այդ հոդվածի վերաբերյալ ընթերցողներից ստացված արձագանքների պատճառով: Այս գործով նախնական դատական նիստը տեղի կունենա վաղը` հունիսի 15-ին, ժամը 11:00-ին: