"Շինիչ" առաջարկ` դեսպանին

Հայ ազգային կոնգրեսի վերջին հանրահավաքի ժամանակ Ազատության հրապարակի հարթակում է եղել Հայաստանում Գերմանիայի արտակարգ եւ լիազոր դեսպան Հանս-Յոհեն Շմիդտը:

Այս կապակցությամբ քննադատական հայտարարություններին ի պատասխան` դեսպանն ասել է, որ իր մասնակցությունը ՀԱԿ-ի վերջին հանրահավաքին չի նշանակում, որ ինքը համաձայն է ՀԱԿ-ի նպատակների հետ: Դեսպանի պարտականությունների մեջ է մտնում քաղաքական իրադարձությունների դիտարկումը: «Իսկ Օպերայի շենքի աստիճանահարթակ բարձրանալը պայմանավորված է եղել ավելի լավ տեսադաշտ ունենալու հանգամանքով»,- ասել է նա:

Կես կատակ, կես լուրջ ասում են, թե ՀՀՇ կենտրոնակայանից դեսպանին առաջարկել են հաջորդ հանրահավաքում նստել ՀԱԿ ղեկավարության ուսերին. բացառիկ տեսադաշտ կունենա: