Կբողոքարկե՞ն, արդյոք

Հունիսի 4-ին  Սանկտ Պետերբուրգի «Պետրովսկի» մարզադաշտում կայացած Եվրո-2012-ի ընտրական փուլի Ռուսաստան-Հայաստան հանդիպման մրցավարությունն առաջացրեց շատերի դժգոհությունը: Ֆրանսիացի մրցավարը խաղում 7 դեղին քարտ ցույց տվեց, որոնցից 5-ը` հայերին:

Մասնավորապես` երկրպագուները և խաղացողները բողոքում էին մի քանի դրվագներից: Հենրիխ Մխիթարյանի գոլը չհաշվվեց, մինչ այդ 11 մետրանոց մեր դարպասին, որը կարող էր չլինել, հատկապես` որ մրցակիցն ավելի կոպիտ խաղ էր ցուցադրում: Մի խոսքով` սուլիչը սուլում էր հակառակորդի օգտին` խանգարելով պայքարել:

Այս կապակցությամբ զանգահարեցինք Հայաստանի ֆուտբոլի ֆեդերացիա` տեղեկանալու, թե, արդյոք, պատրաստվո՞ւմ են որևէ բողոք ներկայացնել կողմնապահ մրցավարության համար: Ինչպես տեղեկացրեց ՀՖՖ մամուլի քարտուղար Տիգրան Իսրայելյանը, դեռևս ոչ մի պաշտոնական հայտարարություն չի արվել: