Ռեկորդակիր հայրիկը

Արաբական Միացյալ Էմիրությունների ամենաբազմազավակ բնակիչ 63-ամյա Դաադ Մուհամեդ Ալի Բալուշին իր առջեւ նպատակ է դրել`  ամենաքիչը 100 երեխայի հայր դառնալ: Նա արդեն 17 օրինական կանանցից լույս աշխարհ է բերել 60 տղա եւ 30 աղջիկ: Բալուշին 50 թոռան պապիկ է, իսկ մի քանի շաբաթ անց պատրաստվում է կատարել իր 18-րդ հարսանիքը:

Ներկայումս ռեկորդակիր հայրիկը երեք կին ունի, որոնցից յուրաքանչյուրը պատրաստվում է ծննդաբերել հաջորդ ամիս: Բոլոր նախկին եւ ներկայիս կանանց Բալուշին ապահովել է տնով, մեքենայով, սպասավորներով:

Նա առաջին անգամ ամուսնացել է 19 տարեկան հասակում եւ ափսոսում է, որ շարիաթի օրենքները թույլ չեն տալիս միաժամանակ 4-ից ավելի կին ունենալ, այլապես 100 ժառանգ ունենալու երազանքը վաղուց կիրականացվեր:

Բալուշին իր կանանց ընտրում է աշխարհի տարբեր երկրներից` Ֆիլիպիններից մինչեւ Մարոկկո, ընդ որում` պարտադիր պայման է, որ ինքը իր ընտրյալների առաջին ամուսինը լինի: