Չինաստանը մահապատիժների թվով ռեկորդակիր է

Չինաստանում մահապատիժն ավելի հաճախ է կիրառվում, քան որեւէ այլ պետությունում, որի դատական համակարգը թույլատրում է պատժի բարձրագույն տարբերակը. ասվում է Amnesty Intrnational կազմակերպության զեկույցում:

Մահապատիժ կիրառած երկրների առաջին հնգյակում են նաեւ Իրանը, Իրաքը, Սաուդյան Արաբիան եւ ԱՄՆ-ը. տեղեկացնում է ИТАР-ТАСС-ը:

2012-ին աշխարհում մահապատժի է ենթարկվել 682 մարդ, ընդ որում` պաշտոնական մահապատիժների կեսից ավելին` Չինաստանում: Ի դեպ, այդ երկրում մահապատիժ սահմանող դատավճիռների ճշգրիտ թիվը հնարավոր չէ իմանալ, քանի որ այդ տեղեկատվությունը պետական գաղտնիք է: Կազմակերպության աշխատակիցներն իրենց հաշվարկներում հենվել են ԶԼՄ-ների տվյալների վրա:

2012-ին մահապատիժը «վերադարձել է» Ճապոնիա, Հնդկաստան, Պակիստան եւ մի շարք արաբական պետություններ: