Վիկ Դարչինյանը նեղացած է Հ1-ից

Երեք տարբեր քաշային կարգերում աշխարհի բազմակի չեմպիոն Վիկ Դարչինյանը վիրավորված է Հ1-ից. Վիկը զարմացած է ու վիրավորված Արթուր Աբրահամի մարտը մեկնաբանող մեր կոլեգաների վարքից:

«Արթուրի մարտի ժամանակ իմ անունը չտվեցին՝ չնայած նոր էի ժամանել ու մեծ գոտի էի նվաճել: Ես հեռուստատեսության մարդ չեմ, բայց արտասահմանում այդպես չի ընդունված»,- ասաց Վիկը:

Դարչինյանի մարզիչ Վազգեն Բադալյանը նույնպես վիրավորված էր Հ1-ից: «Այլ երկրի դրոշի տակ հանդես եկող բռնցքամարտիկի մասին ֆիլմեր են նկարում, իսկ ապրիլի 24-ին հաղթանակով Հայաստանի պատիվը պաշտպանած բռնցքամարտիկի անունն էլ չեն տալիս»,- հայտարարեց Բադալյանը: