Վիկ Դարչինյանը հաղթեց տանը

Ավարտվեց Վիկ Դարչինյան-Էվանս Մբամբա հակամարտությունը:

Մարտն ընթացավ լարված պայքարում. ողջ հանդիպման ընթացքում Վիկը գրոհում էր, իսկ մրցակիցը պաշտպանվում: Հակառակորդն իր գործողություններում թափթփված էր և ոչ պրոֆեսիոնալ՝ հաճախ էր դիմում գլխով վտանգավոր հարվածների, ինչի արդյունքում էլ Վիկը հոնքի պատռվածք ստացավ:

Այսպիսի մենամարտում մեր հայրենակիցը կարողացավ միավորներ վաստակել  միայն երկար հարվածների և օպերկոտների միջոցով: 10-րդ ռաունդում Վախթանգը վերջապես կարողացավ կոտրել Մբամբայի երկաթյա և նյարդայնացնող պաշտպանությունը և նոգդաունի ենթարկել նրան, սակայն մրցավարը չհաշվեց:

12 ռաունդ շարունակ հակառակորդը դիմադրում էր անհամար հարվածների, իսկ Վիկն աշխատում էր տանը հանդիպումն ավարտել ժամանակից շուտ, սակայն նոկաուտ չեղավ: 3 մրցավարներն էլ հավասարապես 107-120 արդյունքը գրանցեցին:

Վախթանգը կարողացավ պահպանել գերթեթև քաշային կարգում IBF վարկածով աշխարհի չեմպիոնի կոչումը: Այսպիսի ելքով մենամարտը երբեք էլ Դարչինյանի սրտով չէ, բայց, այդուամենայնիվ, նա անկոտրում կամք և մի շնչով մարտ ցուցադրեց: