Ժամանա՞կ են շահում

Ապրիլի 27-ին Լոռու մարզի ընդհանուր իրավասության դատարանում պետք է կայացվեր Վանաձորի «Սզնի» դեղատան տնօրենի և Վանաձորի Լ. Արեշյանի անվան թիվ 1 հիվանդանոցային համալիրի դատական գործով վճիռը: Գառնիկ Սահակյանը հայց էր ներկայացրել հիվանդանոցի տնօրենի կողմից մրցութային պայմանագրի կետերի խախտման վերաբերյալ:

Գործի քննությունն ավարտված է, սակայն դատավորը հայտարարեց, որ այն վերսկսվելու է, քանի որ վրիպում է եղել (իրենց մեղքով). փաստաթղթերում բացակայում է մրցութային հանձնաժողովի համապատասխան որոշումը:

Ձգձգվող դատավարության հերթական նիստը նշանակվել է մայիսի 12-ին: Նշենք, որ պատասխանող կողմը չէր ներկայացել: