Երբ Նիկոլ Փաշինյանը կողմ էր քվեարկում «Վարչատարածքային բաժանման մասին» օրենքին, էդ ժամանա՞կ էլ էր մտածում` «Արցախն Ադրբեջանն է, և վերջ». Արծվիկ Մինասյանը՝ ՔՊ-ին

«Մենք հերթական անգամ ականատես եղանք ստի ու կեղծիքի չափաբաժնի շարունակությանը»,- ԱԺ ամբիոնից հայտարարեց «Հայաստան» խմբակցության քատուղար Արծվիկ Մինասյանը։

Հիշեցնենք, որ Ալեն Սիմոնյանն այսօր կրկին ՀՅԴ-ին մեղադրել էր «Վարչատարածքային բաժանման մասին» օրենքին կողմ քվեարկելու և Արցախը Ադրբեջանի մաս ճանաչելու մեջ։

«Երբ ոչ ավելի, ոչ պակաս ԱԺ նախագահն, ըստ էության, ոչ միայն խոսում է ադրբեջանական խոսույթով, Արցախն Ադրբեջանի տարածք ճանաչելու մեղադրանքներով, այլև մեղադրում է ազգային ուժին ինչ-որ ժամանակ այդ նույն գործողությունները կատարելու մեջ»,- ասաց Մինասյանը՝ հիշեցնելով, որ վարչատարածքային բաժանման մասին օրենքին կողմ է քվեարկել նաև Նիկոլ Փաշինյանը։

«Հարց՝ երբ Փաշինյանը 2014-ին քվեարկում էր, ինքն էլ էր այդ ժամանակ մտածո՞ւմ՝ Արցախն Ադրբեջան է և վերջ, եթե այո, ապա էն գլխից մտածում էր Արցախն ինչպես թողնել Ադրբեջանի կազմում, եթե ոչ՝ ձեր ամբողջ այս թեզը փլուզվում է»,- ասաց նա։