Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այս պահին փաստաբան Թամարա Յայլոյանը ոստիկանական բաժնում հայտարարություն է տալիս հանցագործության մասին: Բանն այն է, որ այսօր առավոտյան կրակոցներ են հնչել նրա` Գյումրիի կենտրոնում գտնվող տան ուղղությամբ, ինչի հետևանքով վնասվել են տան պատուհանները: Փաստաբանն առայժմ չգիտի` կատարվածը դիտավորությո՞ւն է, թե՞ ոչ:
Yerkir.am-ի տեղեկություններով` Գյումրու քաղաքապետարանը շների վնասազերծում է իրականացրել, և հնարավոր է` հենց այդ կրակոցներն են պատահաբար հասել փաստաբանի տան պատուհանին: Մեզ հետ զրույցում տիկին Յայլոյանը նշեց, որ իր տան պատուհանները գետնից բարձր են, սակայն չբացառեց, որ հնարավոր է նաև դրա հետևանքով լինի:
Ոստիկանությունից yerkir.am-ին հայտնեցին, որ դեպքի մանրամասներն ուսումնասիրում են:
Առաջիկայում կփորձենք պարզել` արդյո՞ք քաղաքապետարանը շների վնասազերծում իրականացրել է, և արդյո՞ք որևէ մեկը պատասխանատվություն կրելու է կատարվածի համար: