Եզրափակիչում ֆավորիտներ չեն լինում

Մադրիդի «Ռեալի» գլխավոր մարզիչ Ժոզե Մոուրինիոն Իսպանիայի գավաթի` «Բարսելոնայի» հետ կայանալիք հանդիպումից առաջ մամուլի ասուլիս է անցկացրել: Այս անգամ նա դիվանագիտորեն շրջանցել բոլոր հարցերը:  

«Ոչ մի արտասովոր բան ես այսօր չեմ ասի: Եզրափակիչում երբեք ֆավորիտներ չեն լինում: Երկու թիմերն էլ հավասար հնարավորություններ ունեն: Գուցե ծեծված բառեր եմ ասում, բայց ես իսկապես այդպես եմ կարծում: Հուսով եմ` մենք հիանալի խաղ կտեսնենք, որը կընթանա առանց արտակարգ իրավիճակների: 

Սա իմ առաջին եզրափակիչն է «Ռեալում», բայց ես որևէ ճնշում չեմ զգում: Ես ընդհանրապես չեմ լարվում, քանի որ նման մրցաշարերում  հանդես գալու մեծ փորձ ունեմ: Մեր թիմի վստահությունը բխում է տիտղոսը նվաճելու անհագ ցանկությունից: Եթե այսօր հաղթենք, պարզապես հիանալի կլինի, եթե պարտվենք, կշարունակենք աշխատել»,- ասել է պորտուգալացի մասնագետը: