Լևոն Արոնյանը պարտվեց քառորդ եզրափակիչում. Chessable Masters

Հայաստանի նախկին շախմատիստ Լեւոն Արոնյանն առցանց անցկացվող Champions Chess Tour-ի Chessable Masters մրցաշարի քառորդ եզրափակիչում այսօր հանդիպեց ամերիկացի Վեսլի Սոյի հետ:

Արագ շախմատի առաջին պարտիայում հաղթեց մեր հայրենակիցը, իսկ երկրորդում՝ նրա մրցակիցը: Երրորդ խաղում գրանցվեց ոչ-ոքի, իսկ ահա չորրորդում հաղթեց Վեսլի Սոն:

Այդպիսով, Լևոն Արոնյանը պարտվեց 1,5:2,5 հաշվով և տեղափոխվեց սփոփիչ մրցաշար: Այստեղ նրա առաջիկա մրցակիցը կլինի Վլադիմիր Ֆեդոսեևը: Նույն մրցաշարին մասնակցում է նաև աշխարհի գործող չեմպիոն Մագնուս Կառլսենը, որը քառորդ եզրափակիչում պարտվել է Վլադիսլավ Արտեմիեվին:

Նշենք, որ Champions Chess Tour-ի մրցանակային հիմնադրամը մոտ 2 միլիոն դոլար է։ Chessable Masters-ի հիմնադրամը 235 հազար դոլար է: