Վերնիսաժը չի փակվի

Երևանի քաղաքապետ Կարեն Կարապետյանն այսօր ամփոփեց  իր գործունեության 100 օրը:

Նա ներկայացրեց այս ընթացքում Երեւանում իրականացված աշխատանքները, որոնք հիմնականում քաղաքապետարանի ներսում  կատարված կառուցվածքային փոփոխություններ էին:

Քաղաքապետը հերքեց այն լուրերը, որ քաղաքապետարանը պատրաստվում է արգելել առեւտուրը Վերնիսաժում եւ խորհուրդ տվեց շաբաթ–կիրակի օրերին գնալ ու համոզվել: Նրա խոսքերով` քաղաքապետարանի նպատակն է, որ առեւտուրը չիրականացվի կանաչ գոտիներում:

«Վերնիսաժ որ գնում ես, զզվանքդ գալիս ա։ Ո՞վ ա ասել, որ Վերնիսաժն արգելում ենք»,– ասաց քաղաքապետարանը` նշելով, որ Վերնիսաժը քաղաքի դեմքն է եւ զբոսաշրջիկների համար տվյալ երկրի մշակույթի հետ ծանոթանալու հնարավորություն։ «Սակայն այսպես ծանոթանալը հաստատ մեզ ձեռնտու չէ»,- հայտարարեց քաղաքապետը: