Հայ ծանրորդները կմասնակցեն Եվրոպայի առաջնությանը

Հայաստանի Հանրապետությունից 11 ծանրորդ կմասնակցի ապրիլին Ռուսաստանի Կազան քաղաքում կայանալիք ծանրամարտի Եվրոպայի առաջնությանը:

Նախատեսվում է, որ տղամարդկանց մրցաշարում` ըստ քաշային կարգերի, հանդես կգան՝ 56 կգ քաշային կարգում վերջերս կայացած հայաստանի առաջնության չեմպիոն Սմբատ Մարգարյանը, 63 կգ քաշայինների հաղթող Վանիկ Ավետիսյանն ու արծաթե մեդալակիր Սամվել Գրիգորյանը, 77 կգ` Առաքել Միրզոյանն ու Աղասի Աղասյանը, վերջինս տապալվեց Հայաստանի առաջնությունում, 85 կգ` Էդգար Գևորգյանը, 94 կգ` Գևորիկ Պողոսյանը, 105 կգ քաշային Արթուր Բաբայանը:

Կանանց մրցաշարում հանդես են գալու 53կգ քաշային Էլեն Գրիգորյանը, 69 կգ`Մելինե Դալուզյանը և 75 կգ` Հռիփսիմե Խուրշուդյանը:

Դե ինչ, հաջողություն մաղթենք մեր մարզիկներին եվրոպական մրցահարթակում: