Հայ երիտասարդ ծանրորդները կմասնակցեն աշխարհի առաջնությանը

Մայիսի 3-13-ը Պերուի մայրաքաղաք Լիմայում  տեղի կունենա մինչև 20 տարեկանների ծանրամարտի աշխարհի առաջնությունը:

Հայաստանը կներկայացնեն  անցյալ տարվա Եվրոպայի, աշխարհի պատանիների չեմպիոն և հնգակի ռեկորդակիր  Անդրանիկ Կարապետյանը   (77  կգ , Սամաղար),  պատանիների  Եվրոպայի չեմպիոն և աշխարհի երիտասարդների բրոնզե մեդալակիր  Գոռ Մինասյանը ( + 105 կգ , Գյումրի)  և Եվրոպայի աղջիկների կրկնակի չեմպիոն Իզաբելա Յայլյանը  (58 կգ , Երևան):

Պատվիրակության ղեկավարն է ծանրամարտի հանրապետական ֆեդերացիայի գլխավոր քարտուղար   Փաշիկ Ալավերդյանը,  իսկ թիմի մարզիչն է քասախցի Մելիք Ղուկասյանը:

ՀԱՕԿ լրատվության բաժին