Ռոբերտ Քոչարյանի վարկանիշը 2.5 տոկոս է

Ռոբերտ Քոչարյանի անձնական վարկանիշը 2.5 տոկոս է` համաձայն Ահարոն Ադիբեկյանի ղեկավարած «Սոցիոմետր» կենտրոնի:

Քոչարյանի համախոհների շրջանում լուրջ բացասական տրամադրություններ ստեղծվեցին նրա՝ իշխանությունից հեռանալուց հետո: «Բավականին բացասական տեղեկատվական ֆոն ստեղծվեց` կապված ընտանիքի տնտեսական-ֆինանսական գործունեության հետ, որը նա չկարողացավ բավականին հստակ հերքել»,- լրագրողների հետ հանդիպման ժամանակ նշեց Ա. Ադիբեկյանը:

Նա ասաց, որ նախկինում Քոչարյանը համարվում էր Արցախյան ազատամարտի կարեւոր դեմքերից մեկը, իսկ այժմ այդ ռեսուրսը` Արցախյան հարցը, նա չի կարող օգտագործել իշխանության գալու համար:

Մյուս կողմից էլ` իշխանության ինքնուրույն չեն գալիս, այլ հենվում են որեւէ կառույցի վրա: Եվ դեռ հարց է, թե արդյո՞ք այդ կառույցը` իշխանական փոքր խումբը, որ որոշում է մեր ճակատագիրը, ցանկանում է Քոչարյանին աջակցել իշխանության գալու հարցում: