ԿԱՊԻՏԱԼ.ԱՄՆ հաջորդ նախագահը բազմազավակ հայր Հանթսմե՞նն է

Չինաստանում ԱՄՆ դեսպան Ջոն Հանթսմենը կարող է դառնալ Հանրապետական կուսակցության կողմից առաջադրվող նախագահի թեկնածուն. հաղորդում է ամերիկյան Politico կայքը։

Ըստ ԱՄՆ նախագահ Բարաք Օբամայի մամլո քարտուղարի` Հանթսմենը մինչև գարուն իրեն փոխարինող գտնելու խնդրանքով դիմել է Սպիտակ տանը։ Ի դեպ, մինչև Պեկինում ԱՄՆ դեսպանի պաշտոնը ստանձնելը Հանթսմենը եղել է ԱՄՆ Յուտա նահանգի նահանգապետը։

Ընդ որում, փորձագետները Հանթսմենի` Պեկինում ԱՄՆ դեսպանի նշանակման պահին նշում էին, որ այդպիսով Օբաման ցանկանում է ձերբազատվել 2012 թ. նախագահական ընտրություններում իր վտանգավոր մրցակցից։

Ըստ Politico–ի` Յուտայի նախկին նահանգապետի կողմնակիցներն արդեն ձևավորել են առաջիկա նախագահական ընտրություններում Հանթսմենի թեկնածության առաջադրման կազմակերպչական կոմիտե։

Ի դեպ, Հանթսմենը ինը զավակների հայր է: