Բանակը` կյանքի արտացոլում

Արձակագիր, հրապարակախոս Արամ Պաչյանը կարծում է, որ հեռուստաեթերը վարդագույն գույներով է ներկայացնում բանակի կյանքը:

«Պետք չէ վարդագույնով ներկայացնել, բայց պետք է լինի իդեալ չափանիշ, որի հետ կհարաբերվի այսօրվա բանակի «կերպարը»: Անարդարն այն է, որ այսօր բոլոր ընդհանրացումներ զինվորականի շուրջն են պտտվում: Ասենք` շատ են դեպքերը, որ բժիշկը կաշառք է վերցնում, բայց չկա ձեւավորված կարծիք, որ բոլոր բժիշկները կաշառակեր են: Կա միտում, որը շրջվում է հասարակության դեմ»,-ասաց Գրականության ինստիտուտի փոխտնօրեն Վարդան Դեւրիկյանը:

Վերջինս կարծում է, որ անհրաժեշտ է հետեւել փաստերին եւ դրանցից էլ ընդհանրացումներ անել, այսինքն`որքանով են փաստերն ընդհանրացվում հասարակական գիտակցության մեջ:

Դեւրիկյանն անընդունելի է համարում ընդհանրացումները գեղարվեստական գրականության մեջ, քանի որ այն, ինչ դառնում է գրական կերպար, հնարավոր չէ փոխել:

«Այսօրվա բանակի խնդիրներից մեկն էլ, որ սխալ է ներկայացված, ոչ թե զինվոր-հրամանատար, այլ զինվոր-զինվոր հարաբերությունն է, քանի որ մեր կյանքի հարաբերությունները ավտոմատ արտացոլվում է բանակում»,-կարծում է պարոն Դեւրիկյանը: