Հիմա էլ ծառահատում են Երեւանի Զ.Սարկավագի 72 շենքին հարակից փոքրիկ տարածքը

Շենքի բնակիչները բաց-նամակ է հղել ԵՐԿԻՐ-ին. օգնություն են խնդրում: Ծառահատում են 16 հարկանի 96 բնակարան շենքի հարակից փոքրիկ տարածքը: Դիմել են Գագիկ Բեգլայանին, նախկին քաղաքապետն էլ պատասխանել էր՝ ամեն ինչ օրինական է:

Սակայն շենքի բնակիչները խիստ կասկածում են Գագիկ Բեգլարյանի պատասխանին եւ խնդրում են՝ պարզել, թե որքանո՞վ է օրինական այդ գործարքը:

Նամակում ասված է.

«Շենքն ունի փոքրիկ տարածք (350 քմ), որը 1990-ից բնակիչների ուժերով եւ ջանքերով կանաչապատվել է եւ ծառատնկվել՝ դառնալով բնակիչների համար հանգստի գոտի, իսկ երեխաների համար՝ խաղահրապարակ: Ներկա պահին այն ինչ-ինչ ճանապարհներով օտարացվել է ոմն քաղաքացու, որն այսօր բարբարոսաբար իրականացրել է ծառերի եւ թփերի հատումը՝ շինարարություն ծավալելու նպատակով (հատված են մոտավրապես 50 գծային մետր ծառաթփեր եւ 20-25 ծառ): Մենք դիմել ենք Երեւանի քաղաքապետարանի բնապահպանության վարչությանը, մարդու իրավունքների պաշտպանին, Երեւանի քաղաքապետ պարոն Բեգլարյանին եւ ստացել ենք պատասխան՝ ամեն ինչ օրինական է: ...Բոլոր որոշումներին պետք է տեղյակ լինեն համայնքի բոլոր սեփականատերերը: Օրենքի բոլոր դռները ծեծելիս պարզվեց, որ օդում կախվածների համար էլ օրենք կա. շենքի շուրջը պետք է տարածք լիի»:

ԵՐԿԻՐ-ը կփորձի պարզել, թե որքանո՞վ է օրինական նախկին քաղաքապետի այս գործարքը: