2-5 տարի ազատազրկում՝ այլ երկրների մշակույթին ծանոթ լինելու համար

Ավելի քան 1.000 մարդ է բանտարկվել Հյուսիսային Կորեայում՝ հարավկորեական հեռուստահաղորդումներ և ֆիլմեր թաքուն դիտելու համար:

Հյուսիսային Կորեայում արտասահմանյան փոփ մշակույթը հասարակ մարդկանց համար խստիվ արգելված է, իսկ այս օրենքը խախտողներին ծանր տուգանքներ կամ բանտարկություն է սպասվում:

Բայց Չինաստանից եկող ծովահենային DVD-ների և CD-ների մեծ հոսքը Հարավային Կորեայի փոփ մշակույթը Հյուսիսային Կորեայում ավելի հանրաճանաչ է դարձրել:

Բանտի աշխատակիցն ասել է, որ սա առաջին անգամն է, որ միայն հարավկորեական հեռուստահաղորդումներ դիտելու պատճառով ձերբակալվածների թիվն անցել է 1.000-ը: «Այժմ բատնը լեփ-լեցուն է նման բանտարկյալներով»,- ասել է նա:

Այս «հանցանքի վրա բռնվածները» հիմնականում բանտարկվում են՝ 2-5 տարով, և ավելի դաժան վերաբերմունքի են արժանանում բանտում, քան մյուս բանտարկյալները:

Հյուսիսկորեական իշխանություննեը սկսել են նաև ձերբակալել այն կանանց, ովքեր կրկնօրինակում են հարավկորեական հայտնի դերասանների սանրվածքները: