ԱԺ-ն կճանաչի՞ ԼՂՀ անկախությունը

«Ժառանգություն» կուսակցության մամուլի խոսնակ Հովսեփ Խուրշուդյանն այսօր լրագրողների հետ հանդիպման ժամանակ հիշեցրեց, որ Ադրբեջանը մշտապես խախտում է ԵԱՀԿ պայմանագրերը:

«Նման պայմաններում արձագանքը պետք է լինի Հայաստանի կողմից Լեռնային Ղարաբաղի Հանրապետության ճանաչման ձևով»,- ասաց նա և ավելացրեց, որ դա երաշխիք կհանդիսանա Ղարաբաղի անվտանգության համար, կնպաստի, որ Արցախը որպես լիարժեք կողմ մասնակցություն ունենա բանակցային գործընթացում:

«Գալու է օրը, երբ մենք ճանաչելու ենք Լեռնային Ղարաբաղի անկախությունը, և Ազգային ժողովի բոլոր 131 պատգամավորները միահամուռ կընդունեն ճանաչման փաստաթուղթը կամ օրենքը»,- հակադարձեց Հանրապետական խմբակցության պատգամավոր Արտակ Դավթյանը, նշելով, որ կոնկրետ ժամկետը չի կարող կանխատեսել: