Էկվադորը կճանաչի Աբխազիայի եւ Հարավային Օսիայի անկախությունը

Էկվադորը պատրաստ է քննարկել Աբխազիայի ու Հարավային Օսիայի անկախության ճանաչման հարցը. տեղեկացնում է netgazeti.ge կայքը` վկայակոչելով էկվադորյան La Hora Nacional էլեկտրոնային լրատվամիջոցը:

«Վրաստանը եւ ԱՄՆ-ը չեն հարգում Աբխազիայի ու Հարավային Օսիայի` ազատ ու ինքնիշխան պետություն լինելու իրավունքներն ու ցանկությունները»,- նշել է էկվադորյան պարբերականը:

Վրաստանի արտգործնախարարությունից netgazeti.ge-ին հայտնել են, որ այդ կապակցությամբ դեռ չեն պատրաստվում որեւէ մեկնաբանություն անել։

Մինչ օրս Աբխազիայի ու Հարավային Օսիայի անկախությունը ճանաչել են Ռուսաստանի Դաշնությունը, Նիկարագուան, Վենեսուելան եւ Նաուրուն: Իսկ Վանուատուն ճանաչել է միայն Աբխազիայի անկախությունը: