Տնտեսական դաշինք՝ Վլադիվոստոկից - Լիսաբոն

Պուտինը Եվրոպային առաջարկել է տնտեսական դաշինք՝ Վլադիվոստոկից մինչև Լիսաբոն:

Այս մասին ՌԴ վարչապետը գրել է գերմանական Sueddeutsche Zeitung թերթում տպագրած իր հոդվածում: Պուտինի խոսքով՝ ճգնաժամը ցույց տվեց, որ ԵՄ-ի և Ռուսաստանի տնտեսությունները խոցելի են: Նա գրում է, որ Ռուսաստանը առայժմ մեծ կախում ունի հումքային շուկայից, իսկ Եվրոպայի բացերի թվում ՌԴ վարչապետը նշել է տնտեսության ապաինդուստրալացումը, որը հանգեցնում է ԵՄ-ի դիրքերի կորստին շուկաներում, այդ թվում նաև բարձր տեխնոլոգիական ապրանքների շուկայում: 

Իրավիճակը փոխելու նպատակով նա առաջարկում է օգտագործել երկու կողմերի տնտեսական համակարգերի դրական կողմերը: Ռուսաստանը կարող է Եվրոպային առաջարկել պաշարներ, ներդրումային կապիտալ, նոր տեխնոլոգիաներ: Եվրոպայի մրցունակությունը բարձրացնելու համար Պուտինը առաջարկում է մտածել միասնական մաքսային տուրքերի և տեխնիկական կարգավորման մասին: