ՀԵՄ-ը հուլիսի 26-ին հրավիրում է «Լիսաբոն 5»-ի մարտիկների հիշատակին նվիրված հուշ-երեկոյի

ՀՅԴ Հայաստանի Երիտասարդական Միությունը հուլիսի 26-ին՝ ժամը 19:00-ին, Երևանի Կոմիտասի անվան պետական կոնսերվատորիային հարող այգում կազմակերպում է հուշ-երեկո` նվիրված «Լիսաբոն 5»-ի մարտիկների հիշատակին:

 «Հայ հեղափոխական բանակ»-ի 5 երիտասարդներ՝ Սեդրակը, Վաչեն, Սարգիսը, Սիմոնն ու Արան, գիտակցելով, որ միայն դիվանագիտական ուղիներով Հայոց ցեղասպանության հարցը առաջ մղելու ջանքերը մնում են ապարդյուն, Հայ դատի մասին համաշխարահային հանրությանը ևս մեկ անգամ հիշեցնելու նպատակով դիմեցին անձնազոհության և 1983թ.-ի հուլիսի 27-ին պաշարեցին Պորտուգալիայի  մայրաքաղաք Լիսաբոնում գտնվող թուրքական դեսպանատունը: Այս քայլը փլուզեց լռության պատնեշը, և աշխարհը սկսեց խոսել հայկական հարցի մասին:

Անմահացած 5 հայորդիները իրենց կյանքը Հայ դատի զոհասեղանին դրեցին հպարտությամբ և պատրաստակամությամբ՝ հարթելով գալիք պահանջատեր սերունդների՝ Հայ դատի հետապնդման ուղին: Այս հերոսական քայլը ոգևորեց շատ հայ երիտասարդների, ովքեր միացան Արցախի ազատագրական պայքարին :

Ամեն տարի հուլիսի 27-ին դաշնակցական երիտասարդները, «Լիսաբոն 5»-ի հիշատակը վառ պահելու և  հասարակությանն իրազեկելու նպատակով, կազմակերպում են  հուշ-երեկո, ֆիլմի դիտում, ցուցահանդես և մի շարք այլ միջոցառումներ: