Թշնամի պետության ղեկավարը շարունակում է առաջ տանել իր պայմանները

«Պաշտոնական խաղաղության համաձայնագիրը չի ստորագրվել մեկ կոնկրետ պատճառով. Հայաստանի սահմանադրությունում դեռևս կա մի դրույթ, որը կասկածի տակ է դնում Ադրբեջանի տարածքային ամբողջականությունը»։ Ինչպես հաղորդում է ԱՊԱ-ն, այս մասին Ադրբեջանի նախագահ Իլհամ Ալիևն ասել է «Ալ Արաբիա» հեռուստաալիքին տված հարցազրույցում։

Ալիևը հայտարարել է, թե իբր Հայաստանը կփոխի սահմանադրությունը, և հենց դա տեղի ունենա խաղաղության համաձայնագիրը պաշտոնապես կստորագրվի։

«Բայց այն փաստը, որ Ադրբեջանն ու Հայաստանը նախաստորագրել են այս փաստաթուղթը Սպիտակ տանը՝ նախագահ Թրամփի ներկայությամբ, արդեն նշանակում է պատերազմի ավարտ, որը ընդհատումներով տևել է ավելի քան երեսուն տարի։ Սա բացում է բոլորովին նոր հնարավորություններ Հարավային Կովկասի տարածաշրջանի և Կենտրոնական Ասիայի ու Մերձավոր Արևելքի ավելի լայն տարածաշրջանի համար»,- ասել է նա։