Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
ՀՀ գլխավոր դատախազությունը ոչ պիտանի ռազմամթերք ձեռք բերելու գործով ԳՇ նախկին պետ Մովսես Հակոբյանից և հրթիռային զորքերի և հրետանու վարչության նախկին պետ, գեներալ-մայոր Արմեն Հարությունյանից պահանջում է մոտ 4.3 մլրդ դրամ բռնագանձել։
2022 թվականի հունիսի 17-ին ԱԱԾ-ն տեղեկացրել էր Արմեն Հարությունյանի ձերբակալության մասին։ 2025 թվականի մարտի 25-ին լրատվամիջոցները գրեցին, որ անորակ հրթիռներ ձեռք բերելու գործով Հարությունյանի նկատմամբ քրեական հետապնդումը դադարեցվել է արդարացման հիմքով։
Դատախազությունից հայտնում են, որ Մովսես Հակոբյանին և Արմեն Հարությունյանին մեղադրանքներ է առաջադրվել։ Ըստ այդ մեղադրանքների` պաշտոնեական անփութության հետևանքով 9 տարի առաջ Ռուսաստանից Հայաստան 4.3 մլրդ դրամի անպիտան ռազմական տեխնիկա է մատակարարվել։
Նշվում է, որ 2016 թվականի հուլիսի 21-ին ՀՀ պաշտպանության նախարարության և ռուսական «Ռոսօբորոն էքսպորտ» ընկերության միջև կնքվել է պայմանագիր, որը Հայաստանի անունից ստորագրել է այդ պահին պաշտպանության փոխնախարար, նյութատեխնիկական ապահովման դեպարտամենտի պետի պաշտոնը զբաղեցնող Մովսես Հակոբյանը։ Այդ պայմանագրով ձեռք է բերվել 15 լրակազմ «Աիստյոնոկ» տեսակի ռադիոլոկացիոն կայան։
Ըստ դատախազության` գնված տեխնիկան անարդյունավետ է ու մինչ օրս չի կիրառվել։
Ե՛վ Հակոբյանը, և՛ Հարությունյանն իրենց վերագրվող մեղադրանքները չեն ընդունում։ Մովսես Հակոբյանի նկատմամբ խափանման միջոց է ընտրվել 10 մլն դրամ գրավն ու բացակայելու արգելքը։