Սոցապնախարարությունում խոստացել են ուսումնասիրել բռնի տեղահանված արցախցիների բարձրացրած հարցերը

Բռնի տեղահանված արցախցիների  ներկայացուցիչներին ՀՀ աշխատանաքի և սոցիալական հարցերի նախարարությունում այսօր ընդունել են  համապատասխան ծրագրերը համակարգող պաշտոնյաները։

Նախարարության մամլո խոսնակի փոխանցմամբ՝ պաշտոնյաները լսել են ակցիայի մասնակիցների ներկայացրած խնդիրներն ու պահանջները, խոստացել ուսումնասիրել դրանք և տեղեկացնել արդյունքների մասին։ 

Արդեն հայտնել ենք, որ  այսօր ակցիա է տեղի ունեցել  ՀՀ աշխատանքի և սոցիալական հարցերի նախարարության շենքի մոտ՝ «Մենք բեռ չենք» խորագրով։

Արցախցիները հիշեցրել են, որ իրենց պահանջն արժանապատիվ կեցությունն է մայր հայրենիքում,  իրենք պահանջում են ժամանակավորապես  շարունակել «40+10» ծրագիրը, մինչեւ բնակապահովման  հարցի լուծումը։