Այս պահին Երևանում sett-weather
Փոխարժեքներ 08 11 2025
USD ⚊ $ 382.54
EUR ⚊ € 441.83
RUB ⚊ ₽ 4.7262
GBP ⚊ £ 501.4
GEL ⚊ ₾ 141.43
կարևոր
2893 դիտում, 2 տարի առաջ - 2023-10-24 21:24
Հասարակություն

Ամենայն Հայոց Կաթողիկոսը Կիպրոսի արքեպիսկոպոսի օգնականի հետ զրույցում անդրադարձել է բռնի տեղահանված արցախցիների առջև ծառացած մարտահրավերներին

Ամենայն Հայոց Կաթողիկոսը Կիպրոսի արքեպիսկոպոսի օգնականի հետ զրույցում անդրադարձել է բռնի տեղահանված արցախցիների առջև ծառացած մարտահրավերներին

Հոկտեմբերի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Կիպրոսի Ուղղափառ Եկեղեցու պետ Ամենապատիվ Տ. Գեորգիոս արքեպիսկոպոս Պապաքրիստոմուի օգնական Նեոպոլիսի Պորֆիրիոս եպիսկոպոսին։ Այս մասին տեղեկանում է Մայր Աթոռ Ս. Էջմիածնի Հայաստանյայց Առաքելական Ս. Եկեղեցու տեղեկատվական համակարգը:

Նորին Սրբությունը, ողջունելով Սրբազան Հոր այցը Մայր Աթոռ Սուրբ Էջմիածին, իր շնորհակալությունը հայտնեց Կիպրոսի Ուղղափառ Եկեղեցուն այս դժվարին օրերին հայրենազրկված արցախահայությանը և Հայաստանին ցուցաբերվող զորակցության համար։

Վեհափառ Հայրապետը ընդգծեց, որ երկու բարեկամ ժողովուրդներն ունեն պատմական համանմանություններ, և իրենց զորեղ հավատքով կարողացել են դիմագրավել բազմաթիվ փորձություններ ու դժվարություններ։

Զրույցի ընթացքում Հայոց Հովվապետն անդրադարձավ նաև բռնի տեղահանված արցախցիների առջև ծառացած մարտահրավերներին՝ հույս հայտնելով, որ առ Աստված հավատքով և Տիրոջ զորակցությամբ մեր ժողովուրդը կհաղթահարի Ադրբեջանի կողմից իրագործված ցեղասպանական գործողությունների ծանր հետևանքները։

Իր հերթին Պորֆիրիոս Սրբազանը նշեց, որ իր այցը նպատակ ունի առողջապահական ոլորտում դեղորայքային օգնություն ցուցաբերել արցախահայությանը և Կիպրոսի Ուղղափառ Եկեղեցու զորակցությունը հայտնել հայ ժողովրդին։

Վերջում Հայոց Հայրապետն ի դեմս Պորֆիրիոս եպիսկոպոսի՝ իր եղբայրական սերն ու ողջույնը փոխանցեց Կիպրոսի Ամենապատիվ Տ. Գեորգիոս արքեպիսկոպոսին։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը