Իրանը փոխադարձ հարգանքի վրա հիմնված կառուցողական բանակցություններ է փնտրում. Պեսկով

Իրանը կառուցողական և փոխադարձ հարգանքի վրա հիմնված բանակցություններ է փնտրում միջուկային դոսյեի հետ կապված իրավիճակի շուրջ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով միջուկային ծրագրի վերաբերյալ ԱՄՆ նախագահ Դոնալդ Թրամփի առաջարկին Թեհրանի արձագանքը:

«Իրանը փոխադարձ հարգանքի վրա հիմնված կառուցողական բանակցություններ է փնտրում», - լրագրողներին ասել է Պեսկովը:

Հիշեցնենք՝ ԱՄՆ նախագահ Դոնալդ Թրամփը հայտնել էր, որ նամակ է հղել Իրանի գերագույն առաջնորդ այաթոլլա Ալի Խամենեիին՝  հայտարարելով, որ կնախընտրեր միջուկային ծրագրի շուրջ համաձայնագիր կնքել, այլ ոչ թե այդ հարցը լուծել ռազմական ճանապարհով: Վերջինս, մեկնաբանելով Թրամփի նամակը, նշել է, որ Իրանը բանակցություններ չի վարի ԱՄՆ-ի հետ, քանի որ Վաշինգտոնին մտահոգում են սոսկ սեփական շահերը: