Ռուսաստանը և Ադրբեջանը հարաբերությունները կառուցում են փոխադարձ հարգանքի սկզբունքի վրա. Պուտին

Ռուսաստանը և Ադրբեջանը հարաբերությունները կառուցում են փոխադարձ հարգանքի և շահերի հավասարակշռության որոնման սկզբունքի վրա: Այդ մասին Բաքվում ռուս-ադրբեջանական միջտարածաշրջանային ֆորումի ժամանակ հայտարարել է ՌԴ նախագահ Վլադիմիր Պուտինը. հայտնում է РИА Новости-ն:

«Մենք միշտ որոնում ենք շահերի հավասարակշռություն և գտնում այն»,- ասել է նա:

ՌԴ նախագահը հիշեցրել է, որ Իլհամ Ալիևի` Սոչի կատարած այցի ժամանակ ստորագրվել են մի շարք փաստաթղթեր, որոնք լրացուցիչ բազա են ստեղծում ՌԴ-ի և Ադրբեջանի միջև միջպետական կապերի կառուցման համար: Ըստ Պուտինի` Մոսկվան և Բաքուն իրագործում են նաև համատեղ ենթակառուցվածքային նախագծեր: Նա նաև շեշտել է դրական հարաբերությունները  և նախկինում ձեռք բերված պայմանավորվածությունները պահպանելու կարևորությունը: