Որոշումն իրենցն է, ՌԴ-ն կաջակցի. Լավրովը՝ Փաշինյանի և Ալիևի հնարավոր հանդիպման մասին

Ռուսաստանում ԲՐԻԿՍ-ի կամ ԱՊՀ-ի միջոցառումների շրջանակներում Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հնարավոր հանդիպման հարցը կախված է բացառապես նրանցից: Այս մասին հայտարարել է ՌԴ ԱԳ նախարար Սերգեյ Լավրովը՝ ՄԱԿ-ի Գլխավոր ասամբլեայի 79-րդ նստաշրջանի բարձր մակարդակի շաբաթին մասնակցելուց հետո կայացած մամուլի ասուլիսի ժամանակ։

Նա նշել է, որ այդ հարցում Ռուսաստանը պատրաստ է կատարել իր պարտավորությունները։

«Ինչպես ասում են, «It's up to them»։ Եթե նրանք ցանկանում են հանդիպել, մենք միշտ պատրաստ ենք կատարել այն, ինչի մասին պայմանավորվել են մեր մասնակցությամբ», - հայտարարել է ՌԴ ԱԳ նախարարը: