Իրանում այսօր նախագահական ընտրությունների 2-րդ փուլն է

Իրանի Իսլամական Հանրապետությունում այսօր ընթանում է նախագահական արտահերթ ընտրությունների երկրորդ փուլը։

Վաղ առավոտից Երևանում Իրանի դեսպանատանը նույնպես ընտրատեղամաս է բացվել, որպեսզի ԻԻՀ քաղաքացիներն այստեղ էլ կարողանան քվեարկությանը մասնակցել։

Նշենք, որ ՀՀ տարածքում Իրանի Իսլամական Հանրապետության նախագահական ընտրությունների 3 տեղամաս է գործում` Երևանի Կապույտ մզկիթում, Երևանում Իրանի դեսպանատան շենքում և Կապանում Իրանի գլխավոր հյուպատոսությունում։

Հիշեցնենք՝ Իրանում նախագահական արտահերթ ընտրություններ անցկացվեցին հունիսի 28–ին։ Առաջին փուլի արդյունքներով թեկնածուներից ոչ մեկը չհաղթահարեց անցողիկ շեմը, և նշանակվեց ընտրությունների 2-րդ փուլ։