Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հայազգի Ռայա Նազարյանն ընտրվել է Բուլղարիայի 50–րդ Ժողովրդական ժողովի (խորհրդարանի) նախագահ: Տեղեկությունը հրապարակված է Բուլղարիայի խորհրդարանի կայքում։
Նազարյանին կողմ է քվեարկել 131 պատգամավոր, դեմ` 66 դեմ, ձեռնպահ` 39։
Ռայա Նազարյանը «ГЕРБ-СДС» խորհրդարանական խմբի անդամ է։
Ընտրվելուց հետո նա իր ելույթում նշել է, որ խորհրդարանը՝ անկախ հասարակության վստահության աստիճանից, գործադիր և օրենսդիր իշխանությունների լեգիտիմացման միակ հարթակն է։
«Այդ իսկ պատճառով մեր յուրաքանչյուր ներկայացուցչի ընդհանուր պարտականությունն է ապահովել քաղաքական գործընթացների կարգավորումը և արդարացնել հասարակության ակնկալիքները՝ կապված կայունության, անվտանգության և արդարության հետ»,- ասել է նա։
Նա նշել է, որ պատգամավորները կարող են իր վրա հույս դնել երկխոսության, արդարության, իրավահավասարության և խորհրդարանի կանոնադրությանը, օրենքներին ու կանոնակարգերին անվերապահորեն հետևելու առումով։