կարևոր
2344 դիտում, 1 ամիս առաջ - 2024-06-14 15:34
Հասարակություն

Բերման են ենթարկվել և ձերբակալվել մարզային կառույցի շուրջ մեկ տասնյակի հասնող ղեկավար անդամներ. Արծվիկ Մինասյան

Բերման են ենթարկվել և ձերբակալվել մարզային կառույցի շուրջ մեկ տասնյակի հասնող ղեկավար անդամներ. Արծվիկ Մինասյան

«Ոչ մի հանցակազմի հատկանիշներ չունենալով՝ պատվիրված քրեական գործի շրջանակներում, իշխանությունը փորձում է ճնշել ՀՅԴ կուսակցությանը, ինչը, բնականաբար, չի հաջողվելու նրանց», - «Փաստինֆո»-ին ասել է ՀՅԴ անդամ, ՀՀ ԱԺ « Հայաստան» խմբակցության քարտուղար Արծվիկ Մինասյանը։

Նրա արձանագրմամբ՝ «արդեն մի քանի տարի է, որ իշխող քաղաքական ուժ կոչվածը, ոտնահարելով սահմանադրական բոլոր նորմերը, հարձակում է իրականացնում դաշնակցության նկատմամբ։ Հերթական փուլն է սկսվել, այս անգամ արդեն Վայոց Ձորի կուսակցության գրասենյակի վրա է հարձակումը կազմակերպվել։ Բերման են ենթարկվել և ձերբակալվել մարզային կառույցի շուրջ մեկ տասնյակի հասնող ղեկավար անդամներ, ինչպես նաև խուզարկություններ են իրականացվել գրասենյակում՝ բնականաբար ոչինչ չհայտնաբերելով»։

Ա.Մինասյանի փոխանցմամբ՝ ներկայումս փաստաբաններն աշխատում են, հավաքում տեղեկությունները և առաջիկայում կուսակցությունը հանդես կգա հայտարարությամբ։