կարևոր
2260 դիտում, 4 շաբաթ առաջ - 2024-05-23 16:52
Քաղաքական

ՌԴ-ն նպատակ ունի «3+3» ձևաչափով սերտորեն համագործակցել Իրանի և Ադրբեջանի հետ. Զախարովա

ՌԴ-ն նպատակ ունի «3+3» ձևաչափով սերտորեն համագործակցել Իրանի և Ադրբեջանի հետ. Զախարովա

Մոսկվան հավատարիմ է Բաքվի և Թեհրանի հետ սերտ համագործակցությանը «3+3» տարածաշրջանային պլատֆորմի շրջանակներում (Ադրբեջան, Հայաստան, Վրաստան - Ռուսաստան, Թուրքիա, Իրան): Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ТАСС-ը։

«Մենք հավատարիմ ենք Բաքվի և Թեհրանի հետ սերտ համագործակցությանը, այդ թվում՝ Ռուսաստան-Ադրբեջան-Իրան երկխոսության ձևաչափի, ինչպես նաև 3+3 խորհրդատվական տարածաշրջանային հարթակի շրջանակներում», - նշել է դիվանագետը։ 

Նրա խոսքով, Ռուսաստանը ներուժ է տեսնում Հարավային Կովկասի երկրների և նրանց հարևանների միջև տարածաշրջանային նախագծերի զարգացման համար։ 

«Եվ նման տրամաբանությունը, մասնավորապես, դրված է Հյուսիս - Հարավ միջազգային տրանսպորտային միջանցքի ընդլայնման մեր աշխատանքում», - հավելել Է Զախարովան:

Դիվանագիտական ​​գերատեսչության պաշտոնական ներկայացուցիչը նաև նշել է, որ ադրբեջանա-իրանական հարաբերությունների կարգավորման միտումը «կարելի է միայն ողջունել»։

«Վստահ եմ, որ դա ընդհանուր դրական ազդեցություն կունենա Հարավային Կովկասում և Կասպից ծովում տիրող իրավիճակի վրա: Մենք համոզված ենք, որ տարածաշրջանային խաղացողներն իրենք պետք է լուծումներ փնտրեն առկա մարտահրավերների և խնդիրների համար՝ առանց արտաքին միջամտության: Կա համապատասխան դրական փորձ։ Մենք պետք է հենվենք դրա վրա»,- եզրափակել է Զախարովան։