Էրդողանի խոսնակն ասել է, որ Թուրքիան և ՌԴ-ն սերտորեն համագործակցել են ԼՂ հիմնախնդրի լուծման համար

Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը «Թուրքիա-Ռուսաստան հարաբերություններ. ձևավորել ապագան» խորագրով գիտաժողովի ժամանակ անդրադարձել է նաև ԼՂ հակամարտությանը. հայտնում է yerkramas.org-ը:

Նա մասնավորապես անդրադարձել է ՌԴ-ի դերին հակամարտության լուծման գործում` նշելով, որ երկիրը հսկայական դեր է խաղում ԵԱՀԿ ՄԽ-ում, սակայն ԵԱՀԿ-ի աշխատանքը դեռ արդյունքներ չի տալիս, և խնդիրը մնում է սառեցված:

Խոսելով Թուրքիայի դերի մասին` Քալընը նշել է, որ Թուրքիան հանդես է եկել մի շարք նախաձեռնություններով: Նրա խոսքով`  իրենք սերոտերն համագործակցել են ռուսաստանցի գործընկերների հետ, սակայն որոշ ուժերի միջամտության հետևանքով գործընթացը տապալվել է: