«Բնօրրան պատմական հուշարձանների պահպանման հայկական ընկերություն» ՀԿ-ն քաղաքապետարանի որոշմամբ լքում է 60-ամյա գործունեության հասցեն

«Բնօրրան պատմական հուշարձանների պահպանման հայկական ընկերություն» ՀԿ-ն հայտնում է, որ Երևանի քաղաքապետարանի որոշմամբ լքում են 60-ամյա գործունեության հասցեն (Հանրապետության 32)։

«Հաշվի առնելով մեր երկրի առջև ծառացած բազմաթիվ մարտահրավերները, մենք հանրության ուշադրությունը չենք ուզում բեկել անվտանգային և օրհասական խնդիրներից, ուստի' խոր մտահոգությամբ, բայց Երևանի քաղաքապետարանի որոշմամբ լքել ենք ' 1964 թվականին հիմնադրված Պատմական հուշարձանների պահպանման հայկական ընկերության' «Բնօրրան» ՀԿ-ի 60-ամյա գործունեության հասցեն (Հանրապետության 32)։

Պատմամշակութային հուշարձան համարվող կառույցի ճակատագիրը մեզ և հանրությանն անհայտ է, իսկ այն իր մշակութային գործառույթով պահպանելու ջանքերը' անտեսված»։