Այսօր նշվում է Հուշարձանների և պատմական վայրերի միջազգային օրը

Ամեն տարի ապրիլի 18-ին նշվում է Հուշարձանների և տեսարժան վայրերի միջազգային օրը: Օրը նշելն առաջարկել է Հուշարձանների և տեսարժան վայրերի միջազգային խորհուրդը 1982 թվականի ապրիլի 18-ին: 1983-ին այն արդեն ընդունվել է ՅՈՒՆԵՍԿՕ-ի Գլխավոր ասամբլեայի որոշմամբ։

Տոնի նպատակն է բարձրացնել մարդկության իրազեկվածությունը մշակութային ժառանգության, դրա խոցելիության մասին և անհրաժեշտ ջանքեր գործադրել դրա պաշտպանության և պահպանման համար։

Հավելենք նաև, որ յուրաքանչյուր տարի Հուշարձանների և տեսարժան վայրերի պահպանման միջազգային խորհուրդի կողմից առաջադրվում է օրվա խորհրդին առնչվող որևէ յուրահատուկ թեմա, ինչը հնարավորություն է տալիս շեշտելու համաշխարհային ժառանգության բազմազանությունը։