Մեր միջի աղբն ու տականքը դուրս է գալիս ու փորձում է իշխել, ավիրել ազգայինն ու Մայր եկեղեցին․ հարցազրույց

«Պատմության մեջ չգիտեմ դեպք, երբ ամբոխավարությամբ կաթողիկոս ընտրեն․ Հայ Առաքելակնա եկեղեցին այսօր միակ մնացած ազգային սյունն է․  հայ մարդը չի ասում ես քրիստոնյա եմ, ասում է՝ հայ քրիստոնյա եմ և այդ հայ քրիստոնյա հասկացությունն են ուզում ջնջել մեր մեջ»,-այս մասին Yerkir.am-ի հետ զրույցում ասաց Աշոտ Հարությունյանը՝ անդրադառնալով ՝ 2018 թվականից Մայր եկեղեցու դեմ  սկսված արշավին, ինչն առավել  ցայտուն է դարձել վերջին օրերի ընթացքում։  

«Այն, ինչը չստացվեց 2018-ին, փորձում են հիմա անել»,-ասում է մեր զրուցակիցն ու նշում՝ այն, ինչն արվում է դրսի ուժերի պատվերով է․«Մեծ մասը դրսից են, եթե ներսից են՝ վստահ եմ վճարվում են դրսից»,- ասում է Աշոտ Հարությունյանը։

Հարցին, ըստ որի՝ 20-ից ավելի փաստաբաններ հանցագործության մասին հաղորդում են ներկայացրել ՀՀ քննչական կոմիտե՝ հիմնավորելով  Եկեղեցու, Վեհափառի, հոգևոր սպասավորների դեմ ակնհայտ ոտնձգությունները, հնարավո՞ր է իրավական հետևանք ունենա այս իշխանություններ օրոք, մեր մյուս զրուցակիցը՝ Աշոտ Հունանյանն առարկեց․«Մի իշխանություն, որ միայն ավեր է թողնում մշակույթի, գիտության, կրթության, պաշտպանության ու ռազմական ոլորտներում,  կասկածելի է, որ  այս իշխանությունները կփորձեն օբյեկտիվ մոտեցում ցույց տալ։ Մեր միջի աղբն ու տականքը դուրս է գալիս ու փորձում է իշխել ու ավիրել»,-ասում է աշոտ Հունանյանը։

Մանրամասն՝ տեսանյութում։