02 05 2024
|
||
---|---|---|
EUR | ⚊ | 414.92 |
GBP | ⚊ | 485.04 |
GEL | ⚊ | 144.8 |
RUB | ⚊ | 4.22 |
USD | ⚊ | 387.63 |
Այսօր՝ ապրիլի 26-ին, ՀՅԴ Ստեփանակերտի «Նիկոլ Դուման» կենտրոնում տեղի է ունեցել ՀՅԴ Արցախի կառույցի, Արցախի ժողովրդավարական և Արցախի Արդարություն կուսակցությունների ներկայացուցիչների հանդիպումը «Մենք ենք մեր սարերը» տարածքային զարգացման գործակալության համահիմնադիր Ռուբեն Վարդանյանի հետ:
Հանդիպման ընթացքում քննարկվել են «Մենք ենք մեր սարերը» տարածքային զարգացման գործակալության նախաձեռնությամբ և ԱՀ ԱԺ -ում ներկայացված չորս կուսակցությունների քննարկումների արդյունքում ձևավորված Արցախի Հանրապետության ապագայի տեսլականի վերաբերյալ ծրագիրը:
Ռուբեն Վարդանյանն իր շնորհակալությունն է հայտնել կուսակցություններին՝ ակտիվ մասնակցության համար և տեղեկացրել, որ ծրագիրը ներկայացվել է ԱՀ նախագահին, ԱՀ ԱԺ նախագահին և ԱՀ ԱԽ քարտուղարին: Նա հույս է հայտնել, որ այս նախաձեռնությունը առիթ կհանդիսանա նպատակաուղղված քայլեր ձեռնարկելու համար:
Հանդիպման ընթացքում մասնակից կուսակցությունների ներկայացուցիչները իրենց գոհունակությունն են հայտնել քննարկումների ընթացքից, արդյունքներից, պատրաստակամություն հայտնել ծրագրի իրականացման ուղղությամբ հանձնառու լինել և առաջարկել են համագործակցաբար կազմել ճանապարհային քարտեզ՝ ծրագիրը կյանքի կոչելու համար:
Հանդիպման ավարտին մասնակիցները պայմանավորվել են առաջիկա օրերին ներկայացնել ճանապարհային քարտեզի վերաբերյալ իրենց պատկերացումները և մոտեցումները՝ ծրագիրը գործնականի վերածելու համար: