Մեր երկրին պատուհասած է Նիկոլ Փաշինյանը, ով կարողանում է իր բիոզանգվածի ուշադրությունը շեղել կենցաղային քաշքշոցներով և վիճաբանություններով

Անկախ քաղաքական համակարգի և քաղաքական ինստիտուտների զարգացվածության մակարդակից, բոլոր ժամանակներում և բոլոր ազգերի մոտ տվյալ ժամանակի քաղաքական ղեկավարներն առաջնորդվում են հասարակությանը մանիպուլացնելու, հասարակական տրամադրություններն ուղղորդելու և վերջինիս ուշադրությունը ռեժիմի համար ցանկալի քաղաքական հունով ուղղորդելու բազային մեթոդաբանությամբ:

Չմոռանալով, թե ինչպիսի խարդավանքների տեխնոլոգիաներ է առաջարկում Նիկոլո Մաքիավելին՝ այդուհանդերձ պետք է ֆիքսել, որ մեր երկրին պատուհասած է Նիկոլ Փաշինյանը, ով կարողանում է բնազդաբար ռեալիզացնել վերը նշված մեթոդաբանության մեջ ամենատարածված և ամենատրիվյալ հնարքներից մեկը՝ իր բիոզանգվածի ուշադրությունը շեղել ամենաայբբենական կենցաղային քաշքշոցներով և վիճաբանություններով:

Այստեղ նրան օգնության են գալիս իր կիսագրագետ խմբակի մի շարք ներկայացուցիչներ, որոնք հաջողությամբ ողողում են մամուլը բազմաթիվ վեստերն ժանրի էժանորակ դրվագներով: Դրանց շարքից վերջին ամենացայտուն դրսևորումը ԱԺ ընդդիմադիր պատգամավոր Մհեր Սահակյանի հետ կապված միջադեպն էր, որն ինչպես և մյուս բոլոր դեպքերում հնարավորություն ընձեռեց քաղաքական ուզորպատորին այս անգամ ևս հասարակության ուշադրությունը շեղել սահմանին թշնամու սողացող առաջխաղացումից: Սակայն, ցավոք սրտի, պետք է արձանագրել, որ այս տանգոն միայնակ չի պարում: Ինչպես ասում էր լեգենդար Ժվանեցկին՝  «Ժողովրդի դեմ կա մեծ դավադրություն, որին մասնակցում է ողջ ազգը»:

Վաղարշակ Մինասյան